尋晚收工就去join個fd, 行行下突然有個40歲左右o既女人搭我膞頭...

"請問你著咩size o既衫?"

"中碼..."(咦...我點解會答佢架?)

 "我係做製衣廠架, 我地有個model啱啱走咗想請返個人, 我見你膞頭比較圓潤(嗟係話我手臂粗嗟><"), 想請你做我哋o既model... "

"我?"

"係丫, 我見你膞頭夠橫, 又夠圓潤, 可以做我哋o既fitting model, 我地可以就返你任何時間都得架, 睇你個樣都似十幾歲讀緊書架啦..."(嘻嘻...又多個人畀我個樣呃到)

"唔係丫, 我廿幾歲做緊嘢架喇..."

"唔緊要, 我地開到十點架, 可以就返你放工時間, 畀返d車馬費你, $1xx/hr 咁啦..."(好吸引o既人工喎, 不過邊有咁大隻蛤"嗱"隨街跳先?)

"唔得閒, 我約咗人丫..." 跟住我轉身就走咗喇, 呵呵...睬佢都傻! 咪阻住我去睇戲..

_____________________________________________

見到個fd, 佢好攰咁樣丫, 有d唔好意思添, 佢咁攰都叫咗佢出嚟陪我睇戲...

spiderman好睇係預咗架啦, 但係同場加影精彩 -- "旁若無人接吻魚" !!! d位都夠矮架啦, 前面果pair情侶仲係咁喺度打車輪, 遮住晒!!! 返屋企先打到夠啦~~ 朋友話: 好想攞部電話出嚟影低佢擺上網. 等佢地啜得咁過癮丫嗱..."

仲有無品電話聲!! 睇睇下聽到 se o既招牌電話鈴聲, 前排有個男人用外星語言(佢應該係講緊大陸話)大聲咁講電話... 佢隔離個女人都唔好意思咁拍下佢, 叫佢細聲d... 哩個無品男人個電話嚮咗兩次, 佢都無意識較震機囉... 真係討厭~~~

睇完戲朋友就要趕住返工... 哎呀~~~ 又再次覺得唔好意思, 佢要返通宵都出嚟陪我睇戲~~~
我唯有一個人返歸啦...