喂! 你個樣好似我個表妹...(係咩? 我個樣大眾化嗟)

你個樣似我個表弟(唔係丫?我個樣似仔咩?)...

你個樣似我以前個女朋友(講哩個人係喺旅行識o既, 佢仲帶住個現任女友, 佢話好想識我, 汗"""免喇!! 唔多想識佢)...

你個樣似周汶琦, 特別係笑果陣...(講o既係一個女仔, 但係我覺得自己一d都唔似喎!!)

你個樣似林嘉欣...(哩個人係口多多o既健身教練, 我都費事理佢, 聽果一刻又真係幾開心o既, 不過諗真d, 人地另有目的啦, 想sale我嗟)

.....聽過好多人咁講, 你個樣似邊邊邊個丫!! 慣咗~~~無乜感覺...

今日有個客打嚟搵老闆, 佢話: 嘩! 你把聲勁似angel(我老闆個英文名)丫!!! 真係一模一樣, 你兩個無親戚關係丫? 佢應該無個咁大o既女架! "哈哈...好多人都咁講, 連佢老公都認錯我把聲...我同佢無親戚關係啦...佢兩個仔得十幾歲咋, 我點會係佢個女丫? " 真係好似丫! 不如你變下聲啦...如果唔係真係好難分得出!! (心諗: 汗""""唔係呱? 點變丫? 變性人都係變咗個樣, 變唔到把聲啦~~~) 我淨係咁笑.. 都唔知可以點反應...

其實唔係第一次畀人認錯把聲啦~~~自從做咗哩份工開始就畀人話我把聲似我老闆嚕... 哈! 每次畀人認錯咗我都要去解釋... 每次都係齋笑...

乜我真係咁大眾化咩? 樣又似邊個邊個, 把聲都可以似第個...奇! 怪