在做療程的時候, 朋友致電, 說他又找到了新工作, 已經是這個月第4次聽到了, 聽得我有點悶 + 煩, 每每他都都會說新工作有多好, 但每次過了一兩天就說不幹了~~~汗""""總是給藉口自己, 忍不住罵了他一頓~~~
(閱讀全文)d人成日話肥好煩, 要減肥好辛苦...
我話, 減到肥都煩架, 因為d衫衫褲褲開始"變大"嚕...
衫都仲無乜嘢, 但係d褲就係咁跌落嚟, 條褲本來唔係"賴屎褲"都變咗做"賴屎褲"... 哈哈... 其實我都係多口講下嗟, 肥咗咁多年喇, 而家有哩個咁好o既機會畀我減, 真係好開心架... 至多遲d咪買過d衫褲囉~!
被一名男性朋友取笑: 你的手臂比我還要粗~哈哈...
其實我也不想啊, 以前自細做得太多粗重嘢, 手臂的肌肉比其他女仔發達咋嘛...鬼叫我唔係一出世就好有錢丫? 細細個就要做家務, 讀書果陣又要做part time咩? 
...我都唔想架! 鬼叫我天生異品咩? 瘦會瘦喺條腰同塊臉度, 肥就肥喺手手腳腳度咩? 唉... 我都好想好似d人咁食極都唔肥咯!
今日報數: 又輕咗2 lbs... 151 喇!! yeah~~!! 向14x lbs 進發~~
尋晚去咗行旺角, 本來諗住買褲架, 點知入到去見到個價錢就想縮返轉頭喇...一條LEVI"S 522 要$699耶~~~!! 個CUTTING麻麻...但係著咗落去就會顯得對腳瘦D...本來都想買架, 但係...唉~~~ 因為窮囉! 都係唔買喇, 唔好意思丫SALES姐姐...都係遲D再瘦D先買啦...或者去TIMES對面果間搵熟人買啦...有七折...
跟住成晚都係聽人講返工是非囉, 哈哈...我哩個局外人只有喺度聽同笑, 都慶幸我走得快, 離開咗哩個地方...
跟住去咗食dinner, 等位果陣見到中學同學堅堅...我見到佢第一句係: 喂!xxx(佢個名), 叫咗幾聲佢先聽到~~~第二句係: 喂! 乜你肥咗老咗殘咗架? 佢回應一句: 乜你個口衰咗? 哈哈...不嬲都係咁直接架啦, 你唔覺嗟~~~
等咗好耐位丫!! 終於有得入去喇, 今晚係食間好好味o既日本料理...喺通菜街尾, 叫"九代xxxx"(唔記得咗, 因為個名好長), 我地叫咗海膽炒飯(每次去必叫, 因為真係好好味!) & sushi 拼盤 ... 不過好不滿個waitress姨姨囉! 佢亂咁上菜丫...放晒埋一邊, 差d連我碟soya sauce都整瀉埋... "今時今日咁o既服務態度係唔得架!!" ><...
而家真係細食咗好多, 食少少嘢就覺得飽...嘻嘻!!! 咁仲好~~可以減肥丫嘛~~~
